شرینێ
چ بێــژم ئەحمـــەد بو ڤێ روح شرینــێ روحانا ل ناڤ رەز و باغێ ئەڤینـــــــێ
دەلالـــــــێ نازکـــــێ برهـــــو هیلالــــێ دوڕا کەفتی دەرێ گەنج و خزینـــــــێ
شەمال دانا ب شەڤێ روهن و تەیسـی برۆسیا ل سەر دلی وەقتێ کەنینـــــــێ
مـــن گوت گول چیچەکــا لاو جحـــێلا تو وی حاکم ل سەر بەلقیس و زینـــــێ
جـــــەمالا یوسڤــــی شەوقا رویێ تــە تە ئەز کوشتم حەلاندم دل پەقینــــــــێ
ژ عیشقاتە ل مــــن رابـــو قیــــامـــەت هەوارا خو مە بر ئینا مەدینــــــــــــــــێ
ژ چـــاڤێت تە دوو تیر هاتن دلێ مـــــــن کی
دەرمان کەت ئەڤێ جورح و برینــێ
کــولیلکا ل ناڤ هــەڤالا سور و قورمــــز بوهارا کاملا هەر کەسک و شینــــــــــــێ
چیمەن پێشی سەرو دێمێ تە شەرمـــین تو شەکرا مصر و شام و هند و چینـــــێ
تە ئاگـــــر ئەڤرو بەردا ئەهلێ عـــــەردی دگەل من بەس بکە ڤێ کەرب و کینــــێ
مەلەک ب جوملە ژ عەرشی هاتنە خـارێ کو ڤێ بەحرێ نهو ئەم ژی کەتینـــــــــــێ
هــــــەڤاڵێ دێم دوڕێ قامەت زراڤـــــــێ تو وی نورها ل چیایێ طور و سینـــــــێ
چ لــەڤزا باخڤـــی توپ و تڤــــەنگـــــــــە هزار کەس پێکڤە پێ کەتن نڤینـــــــــــێ
ئەگەر عەزکەی ببیت حەشر و قیامــــەت بکە ل خەلکی وەکی رەعدی خوڕینـــــێ
تو حەزکەی عالەمێ ب قەهرا فەناکـــەی ژ چاڤا عەسکەرێ خو راکە بینــــــــــــــێ
وەکی لوقمان و عیسی هەردوو رابــــــن نەشین ساخکەن شەهیدێت نازەنینــــــێ
ئیشارەت کر ل من هادر ل مە دەربــوون ژ جەرگێ کول دوو بەحرێت ئاڤەخوینێ
شەڤێ ئەز چوم وەکی وێ ئەز حەواندم مە گوتێ ئافەرین مێڤان حـــەوینــــــــــێ
چ بێژم بو وە ئەی خەلکــــــێ زەمـــانــی ژ دارا جەننەتێ ئەو هات چنینـــــــــــــــێ
وەکـــی دزڤریت ژ بـــالاڤ و ســەراڤــــا مەلەک تێنە تەوافا غەم رەڤینــــــــــــــــێ
ئـــەوە زینەت کـــەتی زوزان و دەشتــێ ئەوە کوچەر دچن شوین وار و شوینـــێ
ئەوە کەوسەر ئــەوە ئــاڤـا حــەیـــاتـــێ ئەوە حەودا گولا کەفتی چنینـــــــــــــــێ
ئەوە ( روح الحیاة )ـــا ئینس و جنســــا ئەوە ( نور الهدی ) یا فەصل و حینـــــــێ
ئەوە جەننەت موزەیەن بی ب جەمالــێ ئەوە شێرێ شەڕێ بیشی و کەمینـــــــــێ
ئەوە ل ڤێ عالەمێ( مقصود ) و ئومێد
ئەوە کوشتین هەمی ب قەهرا نەبینــــێ
ئـــەوەبــەدرا شەڤا چـــاردێ هـــەلاتــــی ئەوە کێ دیت ژ جهـ ناکەت لڤینــــــــــێ
ئەوە فەخــرا دلێ لەیل و زولەیخـــــــــــا ئەوە شەیتان ژ بەر هاتی رەڤینـــــــــــێ
ئەوە ساخــــا روهن و دونیا و تـــــــــاری ئەوە تازی ل کەسێ گوت ناگەهینــــــێ
ئەوە مونکر برین قەهر و هیلاکـــــــــــــێ ئەوە کو بشەڤ دزا رادکەت شەڤینــــێ
ئەوە د خانیڤە ئەیتون هەلکری خــــوش ئەوە دوکێل دەرێخستی ژ کولینــــــــــێ
ئەوە دەرگەهـ بو بیستانێ وجــــــــــودێ ئەوە دوژمن هەمی ژ خو دای برینـــــــێ
ئەوە ئالات و ئەسباب و هیـــــدایــــــەت ئەوە عاشق براندین حورو عینـــــــــــــێ
ئەوە حیکمەت ل هیڤیێ مایە مەخفــــی ئەوە قفلا دەرێ عنبار دەفینـــــــــــــــــێ
ئەوە ئاگر کەتی قەلبێ مە هەمیـــــــــــــا ئەوە ژ بەر ئەم کەتین حوزن و گرینـــێ
ئەوە بورق و جەمالا خەتتو خـــــــــــــالا ئەوە عەردێ بچیتێ ئەم بچینــــــــــــــێ
ئـــــــەوە کیتابا لەوحـــــێ ( محفوظ ) ئەوە ئەسرار و نورا سەر هلینـــــــــــــــــێ
ئــــەوە خولاسەئێ کەون و مەکانـــــی ئەوە سیڕڕا کە ئەم پێ ناحەسینـــــــــــێ
ئەگەر ئەو رستبا ب عەرشێ مەزن ڤــە ب چەنگ و لەپ ئەما ژێهەل بەزینــــــــێ
تە بەردا عالەمێ ئەڤ ئاگرێ خــــوش نهو دێ چ ل مەکەی عالەم برینــــــــــــــێ
بشو مە ب ئاڤەکا ئەسرار و لوتفـــــــێ بوی نەخشێ سولەیمانی ل کنینــــــــــــێ
کودا طاهر ببین ئەم بو حـــــــــــــزورێ کو دیزا دل ژ حوببێ هات کەلینـــــــــــێ
وەکی ظاهر ببا پیچەک ژ نـــــــــــــورێ وەکی بازی یەقین دا بشکڤینــــــــــــــــێ
بــزانـــە ئیختیـــــــارا مــــن د دلـــــــدا وەکی تەیری ژ دەست من چو فرینــــــێ
وەکی رابوم ژ حەشرێ دویر و کیـــــرە جهێ لێ بی بێخێری راخرینــــــــــــــــــێ
قەبولە من تو ئەحمەد دین و
دنیـــــــــا بو خاترا ڤێ سڕا ( ابن
الأمین )ــــــــــــێگۆهەرزی ل سەر تورێن فەیسبۆک ، تویتەر