مەولیدا مەڵا طاها مەڵا حامدێ ئامێدی
مەولیدەک مەلا طاهائــی
بومە دانابو ب تبائــــــــی
جاب نەدا ڤی موبتەلائی
بێتە فەرضا عادەتـــــــێ
******
جاب نەدا ڤی رویس و برسی
قەت ل حالێ وی نەپرســــــی
چی کەسێ ژ ئێکێ نەترسـی
تشتەکێ قەت نادەتـــــــــــێ
******
مەولیدا فەرضا نەبی بـــــو
بو فەقیرا یا سپەهی بـــــو
پاشی وان بو نەوعێ دی بو
هویە فەتوا شرعەتــــــــێ
******
شاعرێ برسی ل کولانـــا
هەم فەقی ل ژەنگا ددانا
جاب نەدا ئێکێ ژ ئەڤانـا
هەر بو خاترا سوننەتــێ
******
هەردوو دوست بون چون ژبیرێ
خێر ببو دەفعا سەعیــــــــــــــرێ
وی نەپرسی ئەو ل کیــــــــــــرێ
مان ل چولێ عەزلەتــــــــــــــــێ
******
چەند مەزن عامی فەخازتــن
جهـ بجهـ هەر ڤەدگوهاستن
نێ هەمی دوستێت براستن
ئەو برین ڤێ دەعوەتـــــــێ
******
کەلحێ رێکانی مەزن بـــــــــو
ناهلیکا نەرما ل بن بـــــــــــــو
وی تەعام خار دل مەکون بو
هەلبو نارێ غیرەتــــــــــــــــێ
******
چەند بیانی چەند عیمــــــــادی
خازتبون سەر سفـــــــــــرا زادی
وان لەزەت دیت کەیف و شادی
ئەم نەخازتین حضرەتـــــــــــــێ
******
فەرتر ئەژ ڤانا هەمانــم
شاعرێ کوردان و وانم
تەعنەکە یا فەرزە دانم
بەلکە بگرن عیبرەتــــێ
******
فەقیێ مفتی مەلا میســـــا
وی چبو ب سفرێ ڤە نیسا
هاتبو رێزا رەئیســـــــــــــــا
دا چ بگرن حوججەتــــــێ
******
نێ مە ئیقبالا خسفتــــــــــی
کاغەزا رەش بو هەشفتـــی
قەدر و فایدە هەر بو مفتی
دا بدەت هەر شوهرەتـــــێ
******
کەنکەنا مل پێکڤە جوتـــــن
هندەکا ئەشعار دگوتـــــــــن
خار تەعام هەستی ڤەروتن
دل خوشی چوو غایەتــــێ
******
کەلحێ رێکانی بیانــــــــی
تو ل سەر سفرێ خودانی
ڤێت تو قەدرێ من بزانی
ئەز فەقیرێ ئوممەتــــــێ
******
جاب نەدا قائممەقامـــــــی
دا ڤەخوینن ڤی غولامـــی
بەلکی خێرا مە ب تەمامی
بیت سەبەب بو جەننەتــێ
******
مفتی ئەهلێ عیلم و شاشــە
قەد نەگوت صاحب مەعاشە
ئەصلی و ئەصاف و باشـــــە
خەلکی بو دکەن خلمەتـــــێ
******
خازتە سەر سفرا گــــــرارێ
گوت کەرەمکە روینە خارێ
دا بدەست بو وی قــــــرارێ
ژکێ بخازین نیعمەتــــــــــێ
******
مفتی وەقتێ هاتەحالــێ
چەند بالیف دانانە پالــێ
چونکە ئیقبالا ل کەمالێ
بربو دانا قورنەتـــــــــــێ
******
حاجی شەعبان دگەل بچیکا
مێر سەرێ دوکان و سویکــا
جوملە خازتن پێکڤە زیکـــــا
هو ب کەمالا رەغبەتــــــــــێ
******
چەند مەزن بون چەند رەئیس بون
ئەهلێ حال و مال و کیس بـــــــون
ئەو هەمی قەوی جەلیس بــــــــون
کەفتنە وێ لەززەتـــــــــــــــــــــــــێ
******
چی کەسێ تێر و تژی بـــــو
ئەو ل سەر سفرێ گوژی بو
مانە ئەو خێر بو مژی بــــــو
کەس چ جابا نادەتـــــــــــێ
******
مەولیدا خیر البشر بــــــــــــــــو
بو فەقیرا مەعتەبر بــــــــــــــــو
چیێ غەنی هەی ئەو ل سەر بو
وەی فەقیری قەبحەتــــــــــــــێ
******
شاعرا توژ نەوعێ وانـــــی
فەرترێ ژ ڤانا هەمانـــــــی
کەس تەنابەت مال خانی
من هەوارە ل دەولەتــــێ
******
ئەم فەقیر نە د سەر فەرازین
بێ ژن و ملک و جیهازیــــــــن
سەوکەکێ ژ ئێکێ بخازیـــــن
دێ مە ئێخن زەیقەتــــــــــــێ
******
لەو بو مەولیدا مە نابــــــەن
مەجلس و عیدا مەنابــــــەن
چی کەسێ روی دا مەنابەن
ئەم خودانێت زیللەتـــــــــێ
******
مفتی و کورخال و مامــــا
پێکڤە راهاڤێت تەعامــــــا
وەک غەنیێت مصر وشاما
دەست هاڤێتە سوحبەتێ
******
سوعبەت و نیعمەت بو وانـن
ئەو حەقێ سفرێ دزانـــــــــن
خونە وەک من بێ خودانــــن
کەس نەدەت ل وی ئولفەتێ
******
موفتی یە مەزنێ قەزائــــــێ
خاسمە دێ خوینیت دوعائێ
خاری زاد و حەق وێ دائـــێ
بەس بکەن نەفسانەتـــــــــێ
******
هات صەدیقێ ئورەمــــاری
وی چبو زادێ تەخــــــــاری
رەنگە تو دگەل من نەیاری
لەو مە نابەی قوربەتـــــــێ
******
ئەحمەدا ئیقبال تە نینـــــــــە
لەو هەمی کەس تە درەڤینە
ڤی کەلامی هەر بخوینــــــــە
بێخە رەمزا داوەتــــــــــــــێ
******