دلبەر
دوهی مە دلبەر دیت ل بانێ حەوالــــــــێ نەبون حوری ب وێ کەیس و فەسالـــــــێ
چو عەققلێ من نەما ئەز هار و دین بـــوم وەکی رۆژێ ببو شەق و جەمالــــــــــــــــێ
چو عەقلێ من نەما ئەز هارو دین بــــــوم وەکی روژێ ببو شەوق و جەمالــــــــــــــێ
روحا من هاتە سینگی نا قەبز بیـــــــــــت وەرن پێش من خۆرین و نالە نالــــــــــــــێ
کەزی بسکا چو حال بو من نەهێــــــــــــلا وەکی خشیانە سەر نیشان و خالــــــــــــێ
چو لەوما نەکن ئەی دوست و یـــــــــاران گوهێ خو بدەن من و ڤێ قیل و قالــــــــێ
ل قەلبێ من نەقش بو صورەتــــــــــێ
وێ حەتا حەشرا مەزن ناچیت زەوالـــــــــــــێ
شەڤ و روژا ئەزێ دینم ل چـــــــــــــــولا هەرۆ سپێدێ ئەوا ل هزر وخەیالــــــــــــێ
نڤێژەک من نەکر بێ هزرو تەخمیــــــــــــن هەتا شکلێ دەلالێ بێتە حالـــــــــــــــــــــێ
وەکی ل بەر من خودێ ئەو روی شرین کر مە زانی فیتنەیە حوری میسالـــــــــــــــــێ
نەتەخمینکەن ئەزێ دل خوشم و ساخـــم حساب کەن ئەزێ مریمە ل حەبس و چالێ
روحا خو ئەز فیداکەم لەومە نینـــــــــــــە دەم و گاڤا ئەزێ ل بەر ئێش و نالــــــــــــێ
وەکی ئەو ب عەبدینی حساب کــــــــــەت ئەزێ بم کۆلە هەتتا بێتە مالــــــــــــــــــــێ
کولا کەفتی دلێ من ئەو عەزیــــــــــــــــزە نەبێژن ڤی مروڤی شەرمە تالــــــــــــــــــێ
عیلاجا من ئیرو کەسێ نە دیتـــــــــــــــــە بخازیت بو مە وێ شوخ و شەپالـــــــــــــێ
خودێ هەر دێ عەفوکەت وی مروڤـــــــی بکەت سەعیا من و وێ بو ویصالـــــــــــــێ
هەوارە کەس نەبن مانع نەچێبیــــــــــــت نە ئێخن دەفتەرا خو وێ وەبالــــــــــــــــــێ
کی یە پالێ مەبیت و بومە بینیـــــــــــــت د قەبری دا بوخو هەلکەت شەمالــــــــــــــێ
وەکی ئەو چێنەبیت خاتون و زینــــــــــێ ل نک من جوملە ژن شوبهی شەکالـــــــــــێ
دەما ئەز گاڤەکێ جانێ نەبینـــــــــــــــــم دلێ من کەفتە حەرب و قیتالـــــــــــــــــــــێ
برینا فیرقەتێ دەرمان حضــــــــــــــــورە کو ئەم پێکڤە بکەین جەمع و ویصالــــــــــێ
وەسا شرینە ل بەر من دێ ڤەخوم ئــــەز وەکی ب دەستێ خو ژەهرێ ب کەت پەیالێ
چ روژا ئەز ژ خەوێ رابوم سەحـــــــــارێ ئەوە قیبلا منا من هەر دوعا لــــــــــــــــــــێ
جەمالا وێ ل بەرچاڤێ مە قوتـــــــــــــــە ئەزێ تێرم چ وەقتێ بێتە پالـــــــــــــــــــــێ
هەوارا من خودێ و پێغەمبەرێ مــــــــــە کو بو من پالە ئەو بن ماهـ و سالـــــــــــــــێ
مە حالێ خو حەولەی هەردووا کـــــــــــر ژکەس دی نەکەم ئەز هیڤی و سوئالـــــــــێ
کەرەم شەئنێ خودێ یە دان و ئیحســان کو دەرگاهێ خودێ یەمن ریجا لـــــــــــــــێ
خودانێ حەق تو وی ڕەببێ کەرەمـــــدار بو عەبدێ خو تو حاصل کەی میسالـــــــــــێ
تەوەکول مەکر وفالا مە هویــــــــــــــــــە تو من ممەحروم نەکە ژ ڤێ تازە فالـــــــــــێ
ئەڤێ جانێ روحانێ پر نیشانــــــــــــــــێ ب رزقێ من بکەی فرشک حەلالـــــــــــــــــێ
بو رێکاحەق ئەزم طالب حەقیقـــــــــەت کولیلکا من ئەوە برو هیلالـــــــــــــــــــــــــــێ
ب عیشقا خو حەلاندم ئەز شــەڤ و روژ ئەوێ رو قورمزێ دێم کەسک و ئالـــــــــــــێ
هەرێ ئەحمەد فەصیحێ ڤی زەمانــــــــی شەمال دانێ تو چی ئەردێ مەلا لــــــــــــــێ
زڤرین بو لاپەرێ سەرەکی
فەیسبۆک ، تویتەر ، یۆتیوب ، ئینستاگرام