ئەحمەدێ ناڵبەند
دەلالا دلخاز
ئیقبـــال مە وەکـــی بهێت ژ ئــەڤــراز جانەک مە دڤێت دەلال و دل خـاز
دا روهـــن ببیت دلـــــێ تــژی کـــــۆل خــوش بن غەزەل و کەلام و ئـاواز
دائـــم فەلەکـــێ ل مە کر عـــەداوەت مــــن لــــێ نـەکــرن چو دالهە و ناز
شــەعرێت مـە رونن ژ بەحرا دل تــێن مــــوشتاق دبن مـــــەلا و تــــــــوڵاز
حــاصل نەکـــرن ژ مــن چ مەقــصـەد چەندی کو ئەمین بەلیغ و سەربــــاز
هیڤیــا مــە خودێ و رەسولێ خاتــەم دەستێ مە ل بەردەوام سەرئەڤـراز
قــەولــێ مە خوشە ل دوست و یـــارا بـــو دل ڤەکەرا کــــەمانچە و ســـاز
سیڕڕا د دلێ مە قسمـــێ شـــاعـــــــــر نابن ژ کـــەسەکــێ ئـەو سـیڕڕ و راز
تـــــــــۆپەک مــە هـەیە ل قشلــەیا
دل وەقتــێ ڤەڕەسیت نەبون وسا غـاز
ئــــاواز و کـــەلام موخــالـف ئـەشکــال بو قـــەیدا دلا چەکـــوچن و گــــــاز
قیسمەک وە ئەمین ب رەنگ و سولتان دەروێش سیفەتین د دەستی عوکاز
ئەڤ قەول و کەلام چ دل ڤەکەر هات پـــڕ تــــام و شـــرین نــــەلازم ئیجاز
چـاڤــەک مــە هــەیە بکەت ئیشــارەت تەصــــدیق بکـــەن دل بیتە غەمماز
کـــــافکـــرە دلـــی چ باغـە لــێ هـــەی پــڕ بلبل و تـەیــر و کوتر و کەو قـاز
شــــاعر تو دوڕی ل نــــاڤ مەکــــوردا ئـــەو دوستێ درست نابیتە جەمباز
ئــەڤ شیعر و غەزەل هەمــی شیفانە ساخـــکـــرنە گــەلـەک نەساخ ولاواز
تــەیـــرەک تە ژ دل فڕی بو عــــەرشی ئــــەو چـــو مەلەکوتێ بویە شەهباز
ئـــەڤ نوکـــتە هەمی مە تێک گرێدان گـــــــــرتن مەلەکـــا ئەو کرنە گەلواز
ئەحمەد تو هــەرە حـەتــا حــــــــدودی دا بێت تە رەحــم ژ بــانـــێ ئەڤـــراز